काठमाडौ : अर्थमन्त्री डा. युवराज खतिवडाले बुधवार (आज) आगामी आव २०७६/७७ को लागि बजेट भाषण गर्दै छन् ।
बजेट भाषणमा पूँजीगत लाभकर अन्तिम लाभकर हुने व्यवस्था रहेको सूचना बजारमा आएसँगै बुधवार एक घण्टामा नै (१२ बजेको अपडेट)नेप्से ८ दशमलव ६१ अंकले बढेर १ हजार ३१४ दशमलव १० विन्दुमा पुगेको छ ।
कारोबार शुरु भएदेखि बढेको बजार यस अवधिसम्म १२३ कम्पनीको रू २१ करोड २४ लाख बराबरको कारोबार भइसकेको छ ।
यस अवधिसम्म कारोबार भएका ११ समूहको परिसूचकमा म्युचुअल फण्डको समूह बाहेक बाँकी समूहको परिसूचक बढेको छ । शिवम् सिमेण्टको शेयर मूल्य बढेसँगै उत्पादन तथा प्रशोधन समूहको २ दशमलव ९५ प्रतिशतले बढेको छ । सर्वाधिक कारोबार हुनेमा शिवम् सिमेन्ट रहेको छ ।
प्रकाशित मिति: बुधबार, जेठ १५, २०७६
-1732776560.jpg)
