काठमाडाैं : भूकम्पका कारण चार वर्ष बन्द रहेको नेपाल-तिब्बत जोड्ने तातोपानी नाका आजबाट खुलेसँगै चलहपहल सुरु भएकाे छ ।
आरज बिहान चार वटा रित्ता कन्टेनर ऊन आयात गर्न साे नाका हुँदै खासा पठाइएको छ । ती कन्टेनर भोलि बुधबार काठमाडौँ आइपुग्ने जनाइएको छ ।
सोमबा बेलुका नै ती कन्टेनरको पास प्रक्रिया पूरा गरी तयारी हालतमा राखिएको थियो भने आज बिहानै चिनिया पक्षको अनुमतिमा खासाका लागि प्रवेश पाएका हुन् ।
यद्यपि भूकम्पपछि क्षतिग्रस्त रहेको नेपाल चीन जोड्ने मितेरी पुल निर्माण सम्पन्न हुन सकेको छैन । सो नहुँदा तत्कालका लागि अस्थायी रुपमा चल्तीमा ल्याइएको पुलमुनिको कच्ची सडकको पुल हुँदै ती कन्टेनर खासा पठाइएको छ । सो पुलको काम अन्तिम चरण्मा रहेको र केही दिनमै निर्माण सम्पन्न हुने सो काम गरिरहेकोे तान् सुन रोड एण्ड ब्रीज कम्पनीले जानकारी दियो । यससँगै सडकको कालोपत्रे लगायत अन्य मर्मतकाे काम भइरहेकाे छ ।
भूकम्पअघि व्यस्त रहने यो नाका विगत ४ वर्ष सुनसानजस्तै रह्यो । यहाँ पर्यटकीय चहलपहल र आवतजावत समेत नहुँदा आसपासका होटल व्यवसायी मर्कामा थिए ।
नाका सञ्चालनमा आएसँगै यस क्षेत्रमा बेग्लै रौनक र उत्साह देखिएको छ । विगतमा यो नाका हुँदै सामान बोक्ने कन्टेनर र अन्य सवारी साधन गरी दैनिक १५ सय हाराहारी सवारीसाधन आवतजावत गर्थे ।
प्रकाशित मिति: मंगलबार, जेठ १४, २०७६
-1732776560.jpg)
