काठमाडौं : सेयर बजार परिसूचक सोमबार झिनो अंकले सुधार भएको छ। आज नेप्से परिसूचक ०.३४ अंकले बढेर १३०२.९६ बिन्दुमा पुगेकाे छ । सोमबारको बजारमा शिबम् सिमेन्टस् र प्रभु बैंकमा लगानीकर्ता बढी सक्रिय भएका छन् जसले दुबैको उच्च कारोबार भएको छ ।
नेप्से झिनो अङ्कले बढेपनि कारोवार रकम भने सामान्य रहेको छ । कूल १७० कम्पनीको १७ लाख एक हजार ६४ कित्ता सेयर रु ५१ करोड ९५ लाख ५६ हजार ७९३ मूल्यमा खरीद बिक्री भए ।
कारोवारका आधारमा आज शिवम् सिमेन्टको सबैभन्दा बढी सेयर कारोबार भएको छ । सो कम्पनीको रु सात करोड ३१ लाख ७८ हजार २४३, प्रभु बैंकको रु छ करोड ४१ लाख १४३, नेपाल बैंक लिमिटेडको रु दुई करोड ६१ लाख १२ हजार २९० र माथिल्लो तामाकोशी जलविद्युत् कम्पनीको रु एक करोड ९६ लाख ४५ हजार ८०४ बराबरको कारोवार भई शीर्ष स्थानमा रहे ।
स्टकका अनुसार आज तीन उपसमूहको सेयर ओरालो लागेको छ । यस्तै आठ उपसमूहको सेयरमा भने वृद्धि भएको छ । बैंकिङ ०.९६, निर्जीवन बीमा १५.८९, जीवन बीमा २८.६२ विन्दुले घटेको छ । होटल ०.९६, विकास बैंक १.८१, जलविद्युत् २.८८, वित्त १.२७, उत्पादन ३७.६६, अन्य तीन लघुवित्त ०.८१ र सामूहिक लगानी कोष ०.४३ विन्दुले बढेको छ ।
स्टकका अनुसार स्पर्श लघुवित्त वित्तीय संस्थाका सेयरधनीले ९.८३ प्रतिशतले कमाए । कर्णाली डेभलपमेन्ट बैंक ८.३३, गुर्खाज फाइनान्स ७.२१, सानिमा इक्विटी फण्ड ६, एनएमबी हाइब्रिड फण्ड ६, सिद्धार्थ इक्विटी फण्डका सेयरधनीले समेत ६ प्रतिशतले कमाएका छन् ।
त्यस्तै सिद्धार्थ पावर डेभलपमेन्ट कम्पनी ८, छ्याङदी हाइड्रोपावर ७.३३, आँखु खोला जलविद्युत् कम्पनी ४.९३, रिलायन्स फाइनान्स ३.८३ र माहुली सामुदायिक लघुवित्त वित्तीय संस्थाका सेयरधनीले ३.३० प्रतिशतले गुमाएका छन् ।
प्रकाशित मिति: सोमबार, जेठ १३, २०७६
-1732776560.jpg)
