काठमाडाैं : हिमालय ऊर्जा विकास कम्पनीको बुधबारदेखि दोस्रो बजारमा शेयर कारोबार खुलेको छ । नेप्सेले एचयुआरजेए कारोबार संकेत प्रदान गरे सँगै हिमालय उर्जा विकास कम्पनीको बुधवार देखि शेयर कारोवार खुलेको हो । कम्पनीको शेयर अब यहि संकेतमा कारोबार हुनेछ ।
नेप्सेले मंगलबार कम्पनीको ९९ लाख कित्ता शेयर सुचिकृत गरेपछि बुधबारबाट कारोबार खुलेको हो । नेपाल स्टक एक्सचेञ्जले कम्पनीको शेयर कारोबारको लागि एचयुआरजेए कारोबार संकेत प्रदान गरेको छ भने पहिलो कारोबारको लागि ९८ रुपैयाँ ३६ पैसा देखि २९५ रुपैयाँ ०८ पैसा ओपनिङ्ग रेन्ज प्रदान गरेको छ ।
कम्पनीले गत चैत २० देखि २५ गतेसम्म सर्बसाधारणमा १३ लाख ६६ हजार २०० कित्ता आइपीओ बिक्री गरेको थियो । जसमा आवेदन गर्ने लगानीकर्ताले अधिकतम २० कित्ता शेयर हात पारेका थिए । निजी क्षेत्रबाट प्रवद्धित हिमालय उर्जाले खिम्ती खोलामा १२ मेगावाटको उपल्लो खिम्ती र ७ मेगावाटको अपर खिम्ती जलविद्युत आयोजना निमार्ण गरिरहेको छ ।
प्रकाशित मिति: बुधबार, जेठ ८, २०७६
-1732776560.jpg)
