२१ चैत, काठमाडौँ । सेयर बजार परिसुचक नेप्से बढ्ने क्रम नरोकिएपछि सोमबार दुईपटक सर्किट ब्रेक लगाउनुपरेको छ । बजार खुलेको १५ मिनेट नहुँदै कारोबार ३ प्रतिशतले बढेपछि १५ मिनेटका लागि स्थगित गरिएको बजार फेरि खुल्नासाथ ४ प्रतिशतले बढेको थियो । दोश्रोपटक बजार खुल्नासाथ बढ्ने क्रम नरोकिएपछि दोश्रो सर्किट ब्रेक लगाएर आधा घण्टाका लागि कारोबार बन्द गरिएको हो । यसैबीच सेयर बजार परिसुचक नेप्सेले १७ सय अंक काटेको छ । सोमबार तेश्रोपटक खुलेको बजार त्यसपछि केही सम्हालिएजस्तो देखिएपनि फेरि शेयर बजार उकालो लाग्न थालेको छ । नेप्से आइतबार ५ प्रतिशतले बढेपछि सर्किट बे्रकर लगाएर कारोबार बन्द भएको थियो ।
प्रकाशित मिति: आइतबार, चैत २०, २०७३
