काठमाडौं : नेपाल इन्सुरेन्स कम्पनीको १ लाख ४७ हजार कित्ता सेयर लिलामी खुलेको छ ।
आइतबारदेखि नेपाल इन्स्याेरेन्सको एक लाख ४७ हजार १ सय ३.०८ कित्ता सेयर लिलामी खुलेको हो । लिलाम खुलेसँगै लगानीकर्ताले यो लिलामीमा जेठ १९ गते अपरान्ह ३ बजेभित्र बोलपत्र पेस गरिसक्नुपर्ने उल्लेख गरेको छ ।
कम्पनीले सर्वसाधारण समूहको १ लाख ४४ हजार ५ सय ८१.३६ कित्ता र संस्थापक समूहको २ हजार ५ सय ११.७३ कित्ता सेयर लिलामी खुला गरेको हो । प्रतिकित्ता न्यूनतम १ सय रुपैयाँलाई आधार मानेर मूल्य बढाबढका आधारमा लगानीकर्ताले लिलामी भर्नुपर्ने हुन्छ ।
लगानीकर्ताले देशका विभिन्न ठाउँका ग्लोबल आइएमई क्यापिटल, जमल काठमाडौं तथा ग्लोबल आइएमई बैंकको बिर्तामोड, जनकपुर, हेटौंडा, नारायणढ, वीरगञ्ज, विराटनगर, पोखरा, बाग्लुङ, दाङ, नेपालगञ्ज, सुर्खेत, बुटवल, धनगढी र महेन्द्रनगर शाखाबाट पनि लिलामी भर्न सकिने व्यवस्था गरेको छ ।
प्रकाशित मिति: आइतबार, जेठ ५, २०७६
-1732776560.jpg)
