ताप्लेजुङ : ताप्लेजुङस्थति तमोर नदीबाट उत्पादन गर्न लागएिको ७३ मेगावाट क्षमताको मध्यतमोर जलवद्यिुत् आयोजनाको निर्माण कार्यले तीव्र गत लिएको छ । आयोजनाको मुख्य प्रवर्द्धक संस्था सानिमा हाइड्रो एण्ड इञ्जिनियरङि प्रालिका अनुसार सन् २०२२ मा आयोजना सम्पन्न गर्ने गरी डेढ महिनाअघिबिट निर्माण थालिएको हो ।
निर्माण सुरु भएको छोटो अवधिमै २७७ मिटर लामो इन्सफेक्सन सुरुङ मार्गमध्ये १६० मिटर सुरुङ मार्ग निर्माण पूरा भएको छ भने ३०२ मिटर सुरुङ मार्गमध्ये २८० मिटर पूरा भएको छ । यस्तै, आयोजनाको हेडवर्क्सका लागि समेत आवश्यक संरचना निर्माण पनि अघि बढेको छ । यी संरचना फुङ्लङि नगरपालकिामा पर्ने हाङ्देवा र फुरुम्बुको तल्लो क्षेत्रमा पर्ने मित्लुङमा निर्माण भइरहेका हुन् ।
चिनियाँ निर्माण व्यवसायी कम्पनी झिझोङ फष्ट हाइड्रोले आयोजनाको मुख्य संरचनाको निर्माण गरिरहेको हो । आयोजना निर्माणको गतिलाई हेर्दा निर्धारित समयमा नै सकिनेमा विश्वस्त रहेको आयोजनाका प्रमुख डा. मणिराज पोखरेलको भनाइ छ । नेपाली इञ्जिनियरले डिजाइन गरेको र निजी क्षेत्रले बनाउन लागेको ठूला आयोजनामध्ये उक्त आयोजनासमेत पर्ने पोखरेलले बताए ।
कूल १२ अर्ब रुपैयाँ बराबरको लागतमा निर्माण हुने सो आयोजनामा २५ प्रतिशत स्वलगानी र ७५ प्रतिशत सातवटा बैंकको लगानी हुने जनाइएको छ । आयोजनाको मुख्य संरचना मिक्वाखोला गाउँपालिका– २ खोक्लिङ र फक्ताङलुङ गाउँपालिका– १ सावादिनमा रहने आयोजनाले जनाएको छ ।
यस्तै फुङलिङ नगरपालिकाको फुरुम्बुस्थति मित्लुङमा ५० मिटर लम्बाइ र ११ मिटर उचाइको बाँध निर्माण गरी तमोर नदीको पानीलाई तीन हजार ३३७ मिटरको सुरुङमार्फत् खोक्लिङको थुम्बाबेँसीमा पुर्याइनेछ । यस आयोजनाबाट उत्पादति विद्युत मैवाखोला गाउँपालकिाको ढुङ्गेसाँघुमा निर्माण हुने सवस्टेसनमा पुर्याई राष्ट्रिय प्रसारण लाइनमा जोडिने आयोजनाका जनसम्पर्क अधकिृत करण गौतमले जानकारी दिए ।
सुरुमा ५४ मेगावाट विद्युत उत्पादन गर्ने गरी प्रक्रिया अघि बढे पनि पछि नौ मेगावाट थप भएसँगै आयोजनाको उत्पादन ७३ मेगावाट पुगेको हो । ५४ मेगावाट क्षमताका लागि प्रक्रिया अघि बढ्दै गर्दा निर्माण क्षेत्रमा प्राकृतिक प्रकोपको जोखिम देखिएपछि हेडवर्क्स परिवर्तन भएसँगै १९ मेगावाट थप भएको थियो ।
-1732776560.jpg)
