भोजपुर : भोजपुरको पश्चिमी गाउँपालिका टेम्केमैयुङ वडा नम्बर ३ अन्नपूर्णका वडाध्यक्ष पूर्णप्रसाद राईले नेपाल पत्रकार महासंघ, भोजपुर शाखाका लागि ५० हजार पाँच सय ५५ रुपैयाँ राशिको पर्यटन पत्रकारिता अक्षय कोष स्थापना गरेका छन् ।
अध्यक्ष राईले आफ्ना बाबुआमाको सम्मानमा तिलकबहादुर मनमाया राई पर्यटन पत्रकारिता अक्षय कोष स्थापना गरेका हुन । राईले अक्षय कोषको रकमको चेक नेपाल पत्रकार महासंघ भोजपुरलाई हस्तान्तरण समेत गरिसकेका छन् ।
सो रकम एनआईसी एसिया बैंक भोजपुरमा रहेको महासंघको मुद्दती खातामा जम्मा गर्ने र प्राप्त ब्याजबाट जिल्लाको पर्यटन क्षेत्रको विकास र प्रवद्र्धनका लागि उत्कृष्ट र प्रभावमूलक समाचार प्रकाशन तथा प्रसारण गर्ने पत्रकारलाई वार्षिकरुपमा पुरस्कृत गरिने शाखाका कोषाध्यक्ष युवराज बिष्टले बताए ।
प्रकाशित मिति: आइतबार, जेठ ५, २०७६
-1732776560.jpg)
