काठमाडाैं : नेपाल एग्रो र गणपति माइक्रोफाइनान्सको कारोबार खुला भएको छ ।
नेपाल स्टक एक्सचेञ्जमा आइतबारदेखि शेयर कारोबार सुरु भएको हो । नेप्सेले नेपाल एग्रोको लागि न्यूनतम एक सय तीन रुपैयाँ ४८ पैसा र अधिकतम तीन सय १० रुपैयाँ ४४ पैसामा पहिलो कारोबार गर्न ओपनिङ रेन्ज तोकेको छ ।
पहिलो कारोबारका लागि न्यूनतम ७८ रुपैयाँ ९० पैसा र अधिकतम दुई सय ३६ रुपैयाँ ७२ पैसा तोकिएको छ । यसैअनुसार कारोबार खुल्ने भएको हाे ।
नेपाल एग्रोले शुक्रबार चार लाख ९७ हजार सात सय ७८ कित्ता शेयर नेप्सेमा सूचीकृत गराएको हो । कुल सूचीकृत शेयरमध्ये एक लाख ६१ हजार सात सय ७८ कित्ता सर्वधारण र बाँकी तीन लाख ३६ हजार संस्थापक शेयर हो ।
नेप्सेले नेपाल एग्रोको कारोबार संकेत एनएजीआरओ (NAGRO) र गणपतिको कारोबार संकेत जीएमएफबीएस (GMFBS) तोकेको छ ।
गणपतिको गत शुक्रबार १० लाख ३५ हजार कित्ता शेयर सूचीकृत भएको छ । कुल सूचीकृत शेयरमध्ये तीन लाख ३५ हजार कित्ता सर्वसाधारण र बाँकी सात लाख कित्ता संस्थापक शेयर ताेकेकाे छ ।
प्रकाशित मिति: आइतबार, जेठ ५, २०७६
-1732776560.jpg)
