काठमाडाैं : अर्थमन्त्री डा. युवराज खतिवडाले ३ खम्बे अर्थनीति अबलम्बन गरेर बजेट ल्याइने बताएका छन् ।
प्रतिनिधिसभामा आर्थिक वर्ष २०७६/७७ का लागि विनियोजन विधेयकका सिद्धान्त र प्राथमिकता सम्बन्धमा सांसदहरूले उठाएका प्रश्न तथा जिज्ञासाहरूको उत्तर दिँदै अर्थमन्त्री खतिवडाले सबै क्षेत्र र भुगोलका जनसंख्यालाई समेटेर बजेट ल्याइने बताए ।
अर्थमन्त्री डा खतिवडाले यसमा सबैको सहयोग आवश्यक रहेको बताए । उनले वित्तीय सङ्घीयता कार्यान्वयन गर्न सरकार प्रतिबद्ध रहेको, ठूला पूर्वाधार आयोजना कार्यान्वयन गर्ने सन्दर्भमा अन्तर प्रदेशबीचको सन्तुलन कायम गरिने बताए ।
अर्थमन्त्री खतिवडाले तीन दिनसम्म चलेको बहसमा सांसदहरूबाट उठेका प्रश्न र जिज्ञासाहरू स्वागतयोग्य भएको बताउँदै नेपाली जनतालाई लाभ हुने खालको बजेट प्रस्तुत गर्ने बताए । उनले दिगो र स्थायी आर्थिक नीति अबलम्बन गर्दै ठूला पूर्वाधारका आयोजनाहरूलाई जोड दिने गरी बजेट ल्याइने बताए ।
केही सांसद्हरूले यो सरकारले पुरानै कार्यक्रम दोहोर्याएको भन्ने जिज्ञासाहरूको उत्तर दिँदै खतिवडाले पुराना नीति तथा सिद्धान्तहरूलाई बिर्सन नहुने बताए ।
उनले कुन देशले के गर्यो कस्तो कस्तो गर्यो भन्दा पनि हाम्रो मार्ग स्पष्ट भएकाले संविधानको प्रक्रियागत तरिकाले अगाडि बढ्नुपर्ने बताए ।
अर्थमन्त्री खतिवडाले सामाजिक सुरक्षाको हक र यसको दायरा विस्तार गरी कसैलाई पनि यस हकबाट वञ्चित नहुने गरी सबै नागरिकले प्राप्त स्थिति कायम गर्ने बताए ।
अब प्रतिनिधिसभाको अर्को बैठक जेठ ६ गते बस्ने जनाइएको छ ।
प्रकाशित मिति: मंगलबार, वैशाख ३१, २०७६
-1732776560.jpg)
