काठमाडौं : उपराष्ट्रपति नन्दबहादुर पुन ‘पासाङ बुधबारदेखि हाल बस्दै आएको गैह्रीधारास्थित सरकारी निवासबाट लैनचौरस्थित उपराष्ट्रपतिको भवन ग्रीन हाउसमा सरेका हुन् ।
उपराष्ट्रपति पुन अन्तर्राष्ट्रिय श्रमिक मजदुर दिवसको अवसर पारेर नयाँ भवनमा सरेका हुन् । गत भदौ २१ गतेको मन्त्रिपरिषद् बैठकले समाज कल्याण परिषद्को कार्यालय रहेको भवनलाई उपराष्ट्रपतिको कार्यालय तथा निवासका लागि सञ्चालनमा ल्याउने निर्णय गरेको थियो ।
उपराष्ट्रपति भवनको मर्मतको काम बाँकी रहेकाले कार्यालय भने केही दिनपछि मात्रै सर्नेछ । उपराष्ट्रपतिको कार्यालय हाल निर्वाचन आयोगको भवनभित्रै रहेको छ । अब उपराष्ट्रपतिको निवास र कार्यालय एकै स्थानमा हुने उपराष्ट्रपतिको सचिवालयले जानकारी दिएको छ ।
प्रकाशित मिति: बुधबार, वैशाख १८, २०७६
-1732776560.jpg)
