काठमाडौं : नेपाल वायुसेवा निगमका क्याप्टेन विजय लामाले लाइसेन्स सस्पेन्स, प्रवक्ता पदमुक्त र निलम्बन भएकाबारे आफूलाई केही पनि थाहा नभएको आजको न्युजलाई बताएका छन् । ‘म बिहान मात्रै फ्लाइटबाट आएको हुँ, सबै कुरा मैले बुझ्न पाएको छैन’, क्याप्टेन लामाले भने, ‘म बुझेर मात्रै बोल्छु । संभवत दुई दिनभित्र पत्रकार सम्मेलन गरेर सबै कुरा सार्वजनिक गर्नेछु । मैले अहिलेसम्म कुनै पत्र पाएको छैन ।’
नेपाल एयरलाइन्सको दुबई उडान रद्द भएपछि लामाले दिएको अभिव्यक्ति आपत्तिजनक भएको भन्दै नेपाल नागरिक उड्डयन प्राधिकरणले लामालाई निलम्बित गरिदिएको थियो । वैशाख ४ गते प्राधिकरणले सोधेको स्पष्टीकरण चित् बुझ्दो नभएको भन्दै प्राधिकरणले उनको लाइसेन्स तत्कालका लागि सस्पेन्स गर्ने निर्णय गरेको थियो ।
पाइलट लामाले अन्तर्वार्ता दिँदा आफू तनाव, थकान, अस्वस्थ र अनिद्रामा रहेको भनेर स्पष्टीकरण दिएका थिए । नेपाल वायुसेवा निगमको बोर्डिङ भएको जहाजलाई उड्न नदिएको विषय विवादित बनेपछि क्याप्टेन लामा कारवाहीमा परेका हुन् । नेपाल नागरिक उड्डयन प्राधिकरणले प्रवक्ता पदबाट नहटाए लाइसेन्स निलम्बन गर्ने चेतावनी दिइएको छ ।
प्रकाशित मिति: सोमबार, वैशाख १६, २०७६
-1732776560.jpg)
