विराटनगर : वरिष्ठ भाषाशास्त्री स्वर्गीय बालकृष्ण पोखरेलको परिवारले सरकारले दिएको मानपदवी लिन अस्वीकार गरेको छ ।
सरकारले स्वर्गीय पोखरेललाई उज्वल कीर्तिमय राष्ट्रदीप (द्वितीय श्रेणी) प्रदान गर्ने निर्णय गरेको थियो । गत ३ असोजमा मानव पदवी पाउनेहरुको सूची प्रकाशित भएको थियो । जुन सूचीमा इतिहासकार तथा समाजशास्त्री बालकृष्ण पोखरेलको नाम समेत समावेश छ ।
त्यसबेला नै पोखरेलले पदवी लिन इच्छा व्यक्त नगरेका कारण सो पदवी नलिने बताएको छ । पोखरेलको गत १२ फागुनमा ८६ वर्षको उमेरमा निधन भएको हो ।
सूची प्रकाशित भएपछि बुबाले आफू डाक्टर नभएकाले पुरस्कार लिने इच्छा व्यक्त नगरेको उनका छोरा मुनालको भनाई थियो । भाषाशास्त्री पोखरेलले राज्यले आफूलाई नचिनेका कारण पदवी नलिने बताएका थिए ।
उनका छोरा भन्छन्, ‘पदवी दिने बेलामा डाक्टर बालकृष्णलाई खोज्दै फोन आएको थियो, मैले उहाँ भाषाशास्त्री मात्र भएको र बुबाको इच्छाअनुसार मान–पदवी ग्रहण नगर्ने जवाफ दिए ।’
पोखरेलले यसअघि पनि सरकारी मानपदवी लिएका थिएनन् । पोखरेललाई तत्कालीन राजाका पालामा गोरखा दक्षिण बाहु र डा. रामवरण यादव राष्ट्रपति भएका बेला जनसेवाश्री पदक दिने निर्णय गरेपनि उनले लिएका थिएनन् ।
प्रकाशित मिति: सोमबार, वैशाख ९, २०७६
-1732776560.jpg)
