काठमाडौं : पुराना पत्रकार तथा नेपाल समाचारपत्र दैनिकका प्रधानसम्पादक पुष्करलाल श्रेष्ठको निधन भएको छ ।
श्रेष्ठको उपचारको क्रममा राजधानीको थापाथलीस्थित नर्भिक अस्पतालमा बुधबार बिहान ११ बजे ४९ मिनेटमा निधन भएको अस्पताल स्रोतले जानकारी दिएको छ ।
श्रेष्ठको पार्थिव शरीर आज साढे १२ बजेदेखि उनकै निवासमा राखिनेछ भने दिउँसो ३ दिने पशुपति आर्यघाटमा अन्तिम संस्कार गरिने पारिवारिक स्रोतले बताएको छ ।
करिब पाँच महिनाअघि नाकमा समस्या देखिएका कारण उनको राजधानीको वयोधा अस्पतालमा नाक र त्यसलगत्तै ब्लु क्रसमा मृगौलाको पत्थरीको शल्यक्रिया गरिएको थियो । उक्त शल्यक्रियालगत्तै पत्रकार श्रेष्ठमा विभिन्न स्वास्थ्य समस्या देखापर्दै आएका थिए ।
त्यसपछि उनको नर्भिक अघि भारतको मेदान्त अस्पतालमा पनि उपचार भएको थियो । मेदान्त अस्पतालमा दुई महिना उपचार गराएर फर्किएका उनको नर्भिक अस्पतालमा फिजोयोथेरापीलगायतका विधिबाट उपचार गरिँदै आएको थियो ।
प्रकाशित मिति: बुधबार, वैशाख ४, २०७६
-1732776560.jpg)
