हेटौँडा : स्वदेशी उद्योगलाई प्रोत्साहन गर्ने उद्देश्यले मकवानपुर उद्योग वाणिज्य सङ्घद्वारा सञ्चालित बृहत् जुत्ता चप्पल मेलामा एक करोड पाँच लाख रुपैयाँको कारोबार भएको छ ।
गत फागुन २८ देखि सञ्चालन भएको सो मेलाको ९० हजार व्यक्तिले अवलोकन गरेको मेलाका संयोजक होमनाथ उपाध्यायले जानकारी दिए । मेलामा महिला, पुरुष तथा बालबालिकाका लागि विभिन्न किसिमका छालाजन्य जुत्ताचप्पल बिक्री वितरण भइरहेको छ ।
मेलामा १५ देखि ६० प्रतिशतसम्म छुटको व्यवस्था छ । मेलामा विभिन्न उद्योगद्वारा उत्पादित जुत्ताचप्पल बिक्री वितरणका लागि राखिएको मकवानपुर उद्योग वाणिज्य सङ्घका अध्यक्ष कृष्ण कटुवालले जानकारी दिए ।
