हेटौंडा । प्रदेश ३ सरकारले बारा र पर्सामा आइतबारराति आएको आँधीहुरी प्रभावितका लागि एक करोड रुपैंया सहयोग गर्ने निर्णय गरेको छ ।
मंगलबार बिहान बसेको प्रदेश मन्त्रिपरिषदको बैठकले बैठकले प्रदेश २ सरकारमार्फत पीडितलाई राहत रकम पठाउने निर्णय गरेको सरकारका प्रवक्ता एवम् आर्थिक मामिला तथा योजना मन्त्री कैलाश ढुंगेलले जानकारी दिए ।
सोमबार ३ नम्बर प्रदेशका मुख्यमन्त्रीसहित मन्त्रीहरुको टोली प्रभावित क्षेत्रको निरीक्षणमा गएको थियो ।
निरीक्षणकै क्रममा मुख्यमन्त्री डोरमणि पौडेलले प्रदेश सरकारले सहयोग गर्ने वचन दिएका थिए । पहिलो चरणमा एक करोड सहयोग गरेपनि अन्य सहयोग पनि जारी रहने मुख्यमन्त्री पौडेलले बताएका छन् ।
प्रकाशित मिति: मंगलबार, चैत १९, २०७५
-1732776560.jpg)
