काठमाडौं : अन्तर्राष्ट्रिय वित्त निगम (आईएफसी)ले नेपालमा एक अर्ब अमेरिकी डलर अर्थात एक खर्ब १० अर्ब बराबरको लगानी गर्ने भएको छ । काठमाडौंमा जारी लगानी सम्मेलनमा निगमका उपाध्यक्ष पिटर लेन्क्सले सरकार र निजी क्षेत्रलाई विभिन्न आयोजनामा सघाउने गरी यस्तो लगानी गर्ने जनाएका हुन् ।
उनले नेपालमा आगामी चार वर्षमा एक अर्ब अमेरिकी डलर लगानी गर्ने योजना बनाइएको बताए । निजी क्षेत्र अब आधुनिक बन्नुपर्ने बताउँदै प्रतिस्पर्धामा आउनुपर्ने र आफ्नो बजारलाई बन्द गर्न नहुने धारणा राखे । ’नेपालको निजी क्षेत्रले समाजिक र पर्यावरणीय मानकलाई मान्नुपर्छ, विदेशी पुँजी र विशेषज्ञतालाई पनि स्वागत गर्नुपर्छ ,’ उनले भने ।
चार वर्षमा गरिने यो लगानीले नेपालको विकासमा महत्वपूर्ण भूमिका खेल्न सक्ने आईएफसीको विश्वास छ ।
आइएफसीले नेपालमा लगानी गर्न थालेको ५ दशक भइसकेको छ ।
प्रकाशित मिति: शनिबार, चैत १६, २०७५
