काठमाडौं : कृषि विकास बैंक लिमिटेडको वार्षिक साधरणसभा बैंकको केन्द्रीय तालिम प्रतिष्ठान बोडे भक्तपुरमा मिति शुक्रबार सम्पन्न भयो ।
यस बैंकले वृहत कार्यसंजालद्वारा आफ्ना वस्तु तथा सेवाहरूलाई देशका अतिदुर्गमदेखि सुगम ठाउँहरूमा २७१ वटा शाखाहरूबाट आधुनिक बैंकिङ सेवा पुर्याइरहेको छ ।
बैंक संचालक समितिका अध्यक्ष क्षेत्रबहादुर सेंजुवालले बैंकका करिव दुई लाख ५० हजारको संख्यामा रहेका शेयरधनीहरूलाई उत्साहजनक प्रतिफल स्वरूप चुक्ता पुँजीको १५.०५३ प्रतिशत नगद लाभांश र ६ प्रतिशत बोनस शेयर वितरण गर्नेे प्रस्ताव पास गरेको बताए ।
शेयरधनीहरूबाट प्राप्त सुझावहरूलाई नियमानुसार कार्यान्वयन गर्दै जाने प्रतिबद्धता सञ्चालकहरूले व्यक्त गरे । साधरणसभामा विभिन्न निकाय, संघसंस्थाका प्रतिनिधि, बैंकमा कार्यरत उच्च व्यवस्थापक, कर्मचारीहरू र बैंक सञ्चालक समितिका सदस्यहरूको उपस्थिति थियो ।
कृषि विकास बैंक लिमिटेडको संचालक समितिमा समूह (ख) सर्वसाधरण शेयरधनीहरूका तर्फबाट तीन जना सञ्चालक सदस्य क्रमशः संजीव पौडेल, हरिप्रसाद पराजुली र विनोदकुमार गुरागाईं आगामी चार वर्षे कार्यकालका लागि निर्विरोध निर्वाचित भएका छन् ।
प्रकाशित मिति: शुक्रबार, चैत १५, २०७५
-1732776560.jpg)
