काठमाडौं : प्रधानमन्त्री केपी शर्मा ओली लगानीका लागि नेपाल भर्जिन ल्यान्ड भएकाले ढुक्कले लगानी गर्न लगानीर्ताहरुलाई आग्रह गरेका छन् ।
काठमाडौंमा शुक्रबारदेखि सुरु भएको दुई दिने लगानी सम्मेलनमा भाग लिन आएका विदेशी लगानीकर्तालाई उनले सो आग्रह गरेका हुन् ।
नेपाल लगानीका लागि भर्जिन ल्यान्ड भएकाले सबै क्षेत्रमा नाफा रहेको उनको भनाई थियो । उनले जलविद्युतमा पर्यटन, पूर्वाधार, सूचना प्रविधि, उद्योग, खानी लगायतका क्षेत्रमा उच्च सम्भावना र प्रशस्त नाफा लगानीकर्ताहरुले कमाउने सम्भावना भएको औंल्याए ।
दोहोरो अंकको आर्थिक वृछिको लक्ष्यसहित सरकारले काम गरिरहेको उल्लेख गर्दै प्रधानमन्त्री ओलीले त्यसका लागि ठूलो विदेशी लगानी आवश्यक रहेकाले लगानी सहज रुपमा भित्र्याउन कानुनहरु संशोधन गरेर नयाँ कानुन ल्याएको उनको भनाई थियो ।
उनले भने, ‘हामी नाफाको सम्मान गर्छौं, लगानीबाट प्राप्त लाभांश फिर्ता लैजान पनि रोक्दैनौं ।’
प्रकाशित मिति: शुक्रबार, चैत १५, २०७५
-1732776560.jpg)
