काठमाडौं । भारतीय विदेश सचिव विजय केशव गोखले दुई दिने भ्रमणका लागि आज आउँदैछन् ।
नेपालमा शुक्रबार र शनिबार लगानी सम्मेलन हुन लागेका बेला भारतीय विदेश सचिव गोखले नेपाल आउन लागेका हुन् ।
नेपाल बसाइका क्रममा उनले प्रधानमन्त्री केपी शर्मा ओली, परराष्ट्रमन्त्री प्रदीप ज्ञवाली तथा विभिन्न पार्टीका शीर्ष नेताहरुसँग भेट गर्ने कार्यक्रम छ ।
नेपाल भ्रमणका क्रममा गोखलेले भारतीय सहयोगका कार्यक्रमसहित दुई पक्षीय हितका विषयमा छलफल गर्नेछन् ।
बिखण्डनको नारा लगाइरहेका सीके राउत मूलधारको राजनीतिमा फर्किएको र नेत्रविक्रम चन्द विप्लव नेतृत्वको नेकपामाथि प्रतिबन्ध लागेको पृष्ठभूमिमा हुन लागेको गोखलेको भ्रमणलाई चासोपूर्वक हेरिएको छ ।
प्रकाशित मिति: बिहीबार, चैत १४, २०७५
-1732776560.jpg)
