ब्रसेल्स । युरोपेली नेताहरु बेलायत ईयूबाट बाहिरिने प्रक्रिया आर्टिकल ५० को प्रक्रिया पछि धकेल्न सहमत भएका छन् ।
नियमित प्रक्रियामार्फत ब्रेक्जिट सम्भव भएको भए अर्को साता अर्थात २९ मार्चमा बेलायत ईयूबाट बाहिरिनु पर्दथ्यो ।
यदि बेलायती संसदले अर्को साता इयूसँगको सम्झौता प्रस्ताव पारित गरेमा बेलायतले २२ मे सम्म पछि सार्न गर्न प्रस्ताव गर्नेछ । यदि सांसदहरूले सो सहमतिलाई अनुमोदन गरेनन् भने ब्रेक्जिटका लागि अप्रिल १२ सम्मको समयसीमा दिइनेछ ।
सो अवधिमा बेलायतले ईयूसँग सहमति गर्नुपर्ने हुन्छ या अबको बाटो के हुनेछ भन्नेबारे विकल्प दिनुपर्ने हुन्छ । यो सहमतिपछि बेलायती प्रधानमन्त्री थेरेसा मेले सांसदहरुका लागि अब स्पष्ट विकल्प रहेको उल्लेख गरेकी छन् ।
यसअघि प्रधानमन्त्री मेद्वारा प्रस्तावित मस्यौदा सम्झौतालाई बेलायती संसदले दुई पटक अस्वीकृत गरिसकेको छ । सन् २०१६ मा बेलायतले जनमत संग्रहमार्फत इयूबाट अलग हुने निर्णय गरेको थियो ।
प्रकाशित मिति: शुक्रबार, चैत ८, २०७५
-1732776560.jpg)
