युरोकप छनोटमा जर्मनीले बेलारुसलाई पराजित गरेको छ । जर्मनीले बेलारुसलाई २–० ले पराजित गरेको हो ।
बेलारुसको मैदानमा जर्मनीलाई जिताउन लिरोए साने र मार्काे रिउसले गोल गरे । खेलको १३औं मिनेटमा सानेले गोल गर्दै पाहुना टोलीलाई पहिलो हाफमा १–० को अग्रता दिलाए ।
६२औं मिनेटमा मार्काे रिउसले गोल गर्दै जर्मनीलाई २–० को जित दिलाए । छनोटमा जर्मनीको यो लगातार दोस्रो जित हो ।
प्रकाशित मिति: आइतबार, जेठ २६, २०७६ ११:१०
