बुटवल । बुटवलको एक चर्चमा पास्टरले ‘मृत्यु’ भएको भनिएको व्यक्तिलाई जीवित गराएको भन्दै सामाजिक सञ्जालमा भिडियो भाइरल भएपछि प्रहरीले अनुसन्धान थालेको छ ।
विवेक सत्यालको नामबाट सार्वजनिक भएको २ मिनेट ४५ सेकेन्ड लामो भिडियोमा होली क्यालभरी चर्चका पास्टर भनिने राजेन्द्र गोतामेले एक ‘मृत’ महिलालाई जीवित गराएको देखाइएको छ ।
यस्तो भिडियोले समाजमा भ्रामक सन्देश दिने भन्दै सामाजिक सञ्जाल भरि नै कारबाहीको माग उठेपछि जिल्ला प्रशासन कार्यालयले अनुसन्धानका लागि आदेश दिएको हो ।
अप्रमाणित कुरा देखाएर समाजमा भ्रम छर्न नपाइने भएकाले अनुसन्धान गरी दोषीलाई कानुन बमोजिम कारबाही गर्न निर्देशन दिइएको हो ।
प्रशासनको आदेशपछि इलाका प्रहरी कार्यालय बुटवलले भिडियो सार्वजनिक गर्ने व्यक्तिको फेसबुक एकाउन्टका आधारमा अनुसन्धान सुरु गरेको छ । भिडियोमा भुईँमा ‘मृत’ जस्तै सुतेकी महिला पास्टरको तन्त्र मन्त्रपछि केही बेरमा उठेर सरासर हिँडेको देखिन्छ । गोतामेले ‘प्रभु यशुको प्रभावले मृत्यु भएकी महिलालाई जीवित गराएको’ भन्दै यशुलाई धन्यवाद दिन भनेका छन् ।
प्रकाशित मिति: सोमबार, भदौ ६, २०७९
-1732776560.jpg)
