काठमाडौँ -काठमाडौंबाट मुम्बई उड्न लागेको विमानबाट यात्रु ओरालिएको छ । मुम्बई जान लागेको नेपाल एयरलाइन्सको विमानलाई प्रहरीले रोकेको हो । प्रहरीलाई सो विमानमा रहेका एक शंकास्पद यात्रुबारे विशेष सूचना आएपछि विमान रोकेर चेकजाँच गरेको थियो ।
नेपाल एयरलाइन्सकी प्रवक्ता अर्चना खड्काका अनुसार एयरलाइन्सको विमानमा चढेका शंकास्पद यात्रुलाई नियन्त्रणमा लिएसंगैअन्य यात्रुलाई विमानमा चढाउने प्रक्रिया शुरु भएको छ ।
सूचनाको पुष्टि गर्ने र चेकजाँचको काम भइरहेको उपत्यका प्रहरी कार्यालयले जनाएको छ । काठमाडौंबाट मुम्बई उड्न लागेको वायुसेवा निगमको जहाजबाट संकास्पद २ जनालाई पक्राउ गरिएको छ ।
प्रकाशित मिति: बुधबार, साउन १८, २०७९ १५:२५
