भारतीय जनता पार्टीका राष्ट्रिय प्रवक्ता बिजय सोनकर शास्त्रीले नेपाल ‘सी’ विचारधाराले भन्दा ‘बुद्धपथ’ले अघि बढ्ने बताएका छन्।
३ दिने नेपाल भ्रमणका लागि आएका प्रवक्ता शास्त्रीले गौतम बुद्धवाट भारतलगायत बिश्वले शान्ति र अहिंसाको मार्ग समातेको उल्लेख गर्दैै सी–पथवाट नेपाललाई भलो नहुने पनि जनाएका छन्।
भारत जनता नेपाली र नेपालप्रति सदैव सकारात्मक रहेको उल्लेख गर्दै दुई देशलाई राजनीतिक सिमनालाई छुटयाउन नसक्ने जनाए। ‘नेपाल र भारत बिचको सबन्धलाई राजनीतिक सिमानाले छुट्याउन सक्दैन्, यो सामाजिक र सांस्कृतिक स्तरको प्रागाढ सबन्ध हो’ उनले भने । तर, नेपालका केही ब्यक्ति र समुह भने भारत बिरोधी भावना बढाउन लाग्नु दुःखद बिषय भएको उनले बताए।
२६ लाख नेपाली चेलीले भारतीय बिवाह गरेको तथा २३ लाख भारतीय चेलीले नेपालीसँग बिबाह गरेको उल्लेख गर्दैै नेपाल–भारत बिचको सबन्धमा कसैले पनि दरार ल्याउन नसक्ने उनको थप भनाई थियो।
भारतमा संकटकालका अवस्थामा धर्मनिरपेक्ष बनाउने काम गरेको स्मरण गराउँदै नेपालमा पनि सोही तरिकाले मुलुकलाई धर्मनिरपेक्ष बनाउने कार्य गरेको संकेत भने उनले गरेका छन्। ‘भारतमा इर्मजेन्सीका बेला जसरी धर्मनिरपेक्षता बनाउने काम भयो, त्यो गलत थियो तर हिन्दुत्व भनेको दस्तावेजमा लेखेर होइन, मानिसका मन मनमा छ, त्यो कतै मेटन सक्दैन्’ शास्त्रीले भने।
नेपालको लोकतन्त्रवाट भारतले सिक्ने र भारतको लोकतन्त्रवाट नेपालले सिक्ने अवसर दुवैलाई रहेको पनि प्रवक्ता शास्त्रीको भनाई छ । ‘भारत यति मात्रै चाहान्छ कि नेपाल आत्मनिर्भर मुलुक बनोस, समृद्धी र विकासतर्फ लम्कियोस्,’ उनले भने, ‘जब १९४७ भारत स्वतन्त्र भयो ६० को दशकसम्म पनि सबै भारतीयको आफनै खेत खलियानको रोटी खान सक्ने अवस्था थिएन तर ७० को दशकमा मुलुकलाई रोटीमा आत्मनिर्भर बनाएर छाडौं, नेपालले पनि यसरी नै काम गरेको हेर्न चाहान्छौं।’
विकास र समृद्धिका सबालमा भारत नेपालको साथसाथै रहने उनको प्रतिवद्धता जनाएका छन्। भारत सरकारले गरिबी बिरुद्ध संघर्ष जारी राखेको र त्यसले सफलता पनि हासिल गरेको सन्दर्भ उल्लेख गर्दैै नेपाल सरकारले पनि गरिबी बिरुद्ध काम गर्न शास्त्रीको सुझाव छ।
प्रकाशित मिति: बिहीबार, असोज १६, २०७६ ११:३४