काठमाडौँ । नेपालमा पछिल्लो २४ घण्टामा थप २९३ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार आज (बिहीबार) २९३ जना सङ्क्रमित थपिएका हुन् ।पछिल्लो २४ घण्टामा ११ हजार ६२६ जनाको कोरोना परीक्षण गर्दा सो सङ्ख्यामा सङ्क्रमित थपिएका हुन् ।
९ हजार ५१० जनाको पिसिआर परीक्षण र २११६ जनाको एन्टिजेन परीक्षण गरिएको थियो ।नेपालमा हाल ५ हजार १६१ जना सक्रिय सङ्क्रमित छन् ।
यस्तै आज २६३ जना निको समेत भएको मन्त्रालयले जनाएको छ । यसको सङ्क्रमणबाट २ को मृत्यु भएको छ ।काठमाडौँ उपत्यकामा १४८ सङ्क्रमित थपिएका छन् ।स्वास्थ्य तथा जनसङ्ख्या मन्त्रालयका अनुसार काठमाडौँमा १०१, ललितपुरमा ३४ र भक्तपुरमा १३ सङ्क्रमित छन् ।
प्रकाशित मिति: बिहीबार, पुस ८, २०७८
-1732776560.jpg)
