काठमाडौँ। नेपालमा पछिल्लो २४ घण्टामा थप २५४ जनामा कोरोना सङ्क्रमण पुष्टि भएको छ ।
६ हजार २६८ जनाको पीसीआर परीक्षण गर्दा २४२ जना र २ हजार ४ सय १४ जनाको एन्टीजेन परीक्षण गर्दा १२ जना गरी २५४ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।यस्तै पछिल्लो २४ घण्टामा १ जनाको मृत्यु भएको छ भने २३४ जना सङ्क्रमणमुक्त भएका छन् ।
आइतबार थपिएसँगै नेपालमा कोरोना सङ्क्रमितको कुल सङ्ख्या ९ लाख २० हजार ४ पुगेको छ । योसँगै नेपाल मृत्यु हुनेको सङ्ख्या ११ हजार ५५४ पुगेको छ भने ८ लाख ६ हजार ७७८ जना सङ्क्रमणमुक्त भएका छन् ।
मन्त्रालयका अनुसार हाल देशभर सक्रिय सङ्क्रमितको सङ्ख्या ५ हजार ८९० जना रहेका छन् । जसमध्ये ५ हजार ६०१ जना होम आइसोलेसनमा रहेका छन् भने २८९ जना संस्थागत आइसोलेसनमा रहेका छन् । कोरोनाका बिरामीमध्ये ११८ जना आइसियु र ३४ जना भेन्टिलेटरमा उपचाररत छन् ।
यस्तै १० वर्ष मुनिका ४ बालबालिकामा कोरोना सङ्क्रमण पुष्टि भएको छ भने ११ देखि २० वर्ष उमेर समूहका ३० जना कोरोना सङ्क्रमित थपिएका छन् ।
प्रकाशित मिति: आइतबार, मंसिर २६, २०७८
-1732776560.jpg)
