काठमाडौँ । नेपालमा पछिल्लो २४ घण्टामा थप ३३२ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार आज (बुधबार) ३३२ जना सङ्क्रमित थपिएका हुन् ।
पछिल्लो २४ घण्टामा ९ हजार ९२० जनाको कोरोना परीक्षण गर्दा सो सङ्ख्यामा सङ्क्रमित थपिएका हुन् । ७ हजार ५९० जनाको पिसिआर परीक्षण र २३३० जनाको एन्टिजेन परीक्षण गरिएको थियो ।
नेपालमा हाल ७ हजार ३६९ जना सक्रिय सङ्क्रमित छन् । यस्तै, पछिल्लो २४ घण्टामा कोरोना भाइरसको सङ्क्रमणबाट ४ जनाको मृत्यु भएको छ। योसँगै मृत्यु हुनेको सङ्ख्या ११ हजार ४९३ पुगेको छ ।
२३२ जना निको समेत भएको मन्त्रालयले जनाएको छ । यसै गरी कोरोनाबाट निको हुनेको दर ९७.७ प्रतिशत छ।त्यस्तै, काठमाडौँ उपत्यकामा १८१ थपिएका छन्। जसमध्ये काठमाडौँमा १४४, ललितपुरमा २६ र भक्तपुरमा ११ सङ्क्रमित छन् ।
प्रकाशित मिति: बुधबार, मंसिर ८, २०७८
-1732776560.jpg)
