काठमाडौँ । नेपाल वायुसेवा निगमको जहाजले रुकुमको सल्ले लानुपर्ने यात्रु नेपालगन्ज लगेर ओरालेकोमा स्पष्टीकरण दिएको छ ।निगमले प्राविधिक अड्चनका कारण यस्तो घटना भएको भन्दै अब दोहोरिन नदिने प्रतिबद्धता समेत जनाएको छ ।
मङ्सिर ५ गते काठमाडौँबाट रुकुमको सल्लेका लागि उडानका गर्ने क्रममा गन्तव्यमा नपुगी ड्युटी सकिएको भन्दै पेम्वा शेर्पाले नेपालगन्जमा नै जहाज अवतरण गरेका थिए । मन्त्रालयको चर्को विरोधपछि निगमले विज्ञप्तिमार्फत स्पष्टीकरण दिएको हो ।
गन्तव्यमा जहाज नपुगेपछि संस्कृति, पर्यटन तथा नागरिक उड्डयन मन्त्री प्रेम आलेले पाइलट शेर्पालाई स्पष्टीकरण सोध्न निगमलाई निर्देशन दिएका थिए । मन्त्रालयले हिजो स्पष्टीकरण सोध्दा केही नबोलेको निगमले आज विज्ञप्ति निकालेर चालक शेर्पाको बचाउ गरेको छ ।
‘हवाई उडानसम्बन्धी नियामक निकाय अन्तर्राष्ट्रिय नागरिक उड्डयन सङ्गठन/ नेपाल नागरिक उड्डयन प्राधिकरणको उडानसम्बन्धी नियमले पाइलटको फ्लाइट ड्युटी अवधि दैनिक १० घण्टाको सीमा निर्धारण गरेको कारण त्यस दिन रुकुम (सल्ले) उडान नगर्ने निर्णय भएको थियो’, विज्ञप्तिमा उल्लेख छ ।
रुकुम र नेपालगन्ज जाने यात्रुहरुलाई काठमाडौँमै राखिरहनु भन्दा नेपालगन्जसम्म पुर्याएर रुकुम जाने यात्रुहरुलाई निगमको नियमानुसार होटलमा राखी भोलिपल्ट बिहानै रुकुम पुर्याउनुपर्ने अवस्था निगमको बाध्यता र उचित निर्णय भएको नेवानीले भनेको छ ।
प्रकाशित मिति: बुधबार, मंसिर ८, २०७८
-1732776560.jpg)
