जनकपुरधाम । रौतहटको यमुनामाई गाउँपालिकाको झुन्खुन्वा चोक नजिकै शनिवार राति भएको कार दुर्घटनामा चार जना भारतीय नागरिकको मृत्यु भएको छ ।
चन्द्रनिगाहपुरबाट गौरतर्फ गइरहेको यूके १२ सी २९०० नम्बरको कार शनिवार राति करिब साढे १० बजे दुर्घटनामा परेको हो । कार अनियन्त्रित भएर नालामा खसेको प्रहरीले जनाएको छ ।
घटना लगत्तै प्रहरी पुगेर उद्धार गर्दागर्दै कारमा सबार चार जनाको मृत्यू भएको रौतहटका प्रहरीले जानकारी दिएको छ ।
मृतकहरुको पहिचान खुल्न सकेका छैन । यद्दपी उनीहरु भारतीय नागरिक रहेका बुझिएको छ ।
मृतक चारै जनाको शव पोष्टमार्टमका लागि गौर अस्पतालमा राखिएको छ । दुर्घटनामा परेको कार क्षतविक्षत अवस्थामा छ ।
प्रकाशित मिति: आइतबार, कात्तिक २८, २०७८
-1732776560.jpg)
