काठमाडौँ । भारतीय प्रधानमन्त्री नरेन्द्र मोदीले प्रधानमन्त्री शेरबहादुर देउवासँग टेलिफोनमा कुराकानी गर्दै नेपाललाई छिट्टै कोरोना विरुद्धको खोप उपलब्ध गराउने बताएका छन् ।
सोमबार (आज) भारतीय प्रधानमन्त्री मोदीले नेपाललाई छिट्टै कोरोना खोपको उपलब्ध गराउने बताएको परराष्ट्र मन्त्रालयले जनाएको छ ।
टेलिफोन कुराकानीमा मोदीले प्रधानमन्त्री देउवालाई बधाई समेत दिएका थिए । दुई नेताबीच कोरोना महामारीविरुद्ध संयुक्त रुपमा लड्ने विषयमा कुराकानी भएको भारतीय विदेश मन्त्रालयले ट्विटरमार्फत जनाएको छ ।
प्रकाशित मिति: सोमबार, साउन ४, २०७८
-1732776560.jpg)
