काठमाडौँ– माउन्टेन इनर्जी नेपालको साधारण शेयर (आईपीओ) आज बुधबारको दिन बाँडफाँट भएको छ । कम्पनीको माग भन्दा धेरै आवेदन परेको हुँदा गोलाप्रथाबाट १ लाख ८३ हजार २६ जना आवेदकले १० कित्ताका दरले शेयर पाएका छन् । बाँकी रहेको ५ कित्ता १० कित्ता परेका ५ जनालाई १–१ कित्ताका दरले थप गरिएको हो । कम्पनीले १९ करोड ६८ लाख २ हजार ७ सय रुपियाँको प्रति साधारण शेयर रु। १०० अंकित दरको १९ लाख ६८ हजार २७ कित्ता साधारण शेयर (आईपीओ) कात्तिक २६ गते निष्काशनखुल्ला भई मंसिर ३ गते बन्द भएको थियो ।
कम्पनीको आईपीओमा कुल १ अर्ब ३९ करोड ४४ लाख ४१ हजार रुपियाँ बराबरको आवेदन परेको थियो । जसमा ६ लाख ७४ हजार जनाले १ करोड ३९ लाख ४४ हजार ४१० कित्ताका लागि आवेदन दिएका थिए । सर्वसाधारको लागि बिक्री खुला गरिएको १८ लाख ३० हजार २ सय ६५ कित्तालाई आधार मान्दा ७।६१ गुणा बढी आवेदन हो ।
कम्पनीले आफ्नो जारी पूँजीको १० प्रतिशत अर्थात १९ करोड ६८ लाख २ हजार ७ सय रुपियाँ बराबकोरु। १०० अंकित दरका १९ लाख ६८ हजार २७ कित्ता शेयर मध्ये ३९ हजार ३ सय ६१ कित्ता (२ प्रतिशत) कर्मचारीहरुलाई सुरक्षित गरी र ९८ हजार ४ सय १ कित्ता (५ प्रतिशत) सामुहिक लगानी कोषको लागि बाँडफाँट गरी बाँकी १८ लाख ३० हजार २ सय ६५ कित्ता आईपीओ निष्काशन गरेको हो ।
प्रकाशित मिति: बुधबार, मंसिर १७, २०७७
-1732776560.jpg)
