काठमाडौं । पछिल्लाे केही दिन ओरालाे लागेकाे सेयर काराेबार मापक नेप्से बिहीबार भने उच्च अंकले बढेको छ ।
सेयर बजार परिसूचक नेप्से बिहीबार झण्डै ३१ अंकले बढेको हाे । बिहीबार ३० दशमलव ७८ प्रतिशतले ब्दै नेप्से १ हजार ५ सय ७२ दशमलव १८ बिन्दुमा पुगेको छ ।
यसैगरी बिहीबार सेन्सेटिभ इन्डेक्स पनि ७ दशमलव २ अंकले बढेर ३ सय १२ दशमलव ५० बिन्दुमा चढेको छ ।
निर्जीवन बीमा समूहबाहेक अरु सबैजसो समूहको सेयर बिहीबार बढेको छ । होटल समूहको सेयर १ सय ६१ अंकले बढेको छ भने जलविद्युत समूह ८८ अंक, विकास बैंक समूह ६६ अंक, जीवन बीमा ४० र फाइनान्स समूहको सेयर ४२ अंकले बढेको छ ।
बिहीबार १ सय ९१ कम्पनीको ४७ हजार ३ सय ९ पटक काराेबार हुँदा १ करोड १८ लाख ३ सय ४ कित्ता सेयर खरिद बिक्री भएका छन् । बिहीबार काराेबार रकम भने ३ अर्ब ३१ करोड ५६ लाख ६४ हजार ३ सय १९ रुपैयाँ पुगेको छ ।
आज बढी कमाउने कम्पनीको सूचीमा पहिलो स्थानमा रिलायन्स लाइफ इन्स्योरेन्स कम्पनीको प्रतिकित्ता सेयर मूल्य १० प्रतिशतले बढेर ६ सय ६० रुपैयाँमा कारोबार भएको छ भने बढी गुमाउने कम्पनीमा पहिलो स्थानमा परेको एनआरएन लघुवित्त वित्तीय संस्थाको प्रतिकित्ता सेयर ६ दशमलव ७३ प्रतिशतले घटेर १ हजार २ सय ५ रुपैयाँमा कारोबार भएको छ ।
यसैगरी कारोबारका आधारमा पहिलो स्थानमा परेको नेपाल पुनर्बिमा कम्पनीको प्रतिकित्ता ८ सय ७६ रुपैयाँ अन्तिम मूल्यमा १३ करोड २५ लाख ३१ हजार २ सय ८४ रुपैयाँको कारोबार भएको छ ।
प्रकाशित मिति: बिहीबार, असोज १, २०७७
-1732776560.jpg)
