धितोपत्र बजारमा सेयर काराेबार मापक नेप्से परिसूचक साढे ७ अंकले वृद्धि भएको छ ।
नेपाल स्टक एक्सचेन्जका अनुसार साताको आज अन्तिम दिन नेप्से ७.५३ बिन्दुले बढेर १ हजार ४३९.०६ मा पुगेको छ । यस्तै सेन्सेटिभ परिसूचक ०.४६ अंकले वृद्धि भई ३००.९५ पुगेको छ।
कूल १८९ कम्पनीका ३४ लाख ३० हजार ५५३ कित्ता सेयर एक अर्ब ३२ करोड दुई लाख ६६ हजार ६७८ रुपैयाँ खरिद बिक्री भयो। बजार पुँजीकरणका आधारमा बिहीबार कुल सेयर बजार १८ खर्ब ९४ अर्ब ५२ करोड १७ लाख रुपैयाँ बराबरको भएको छ।
कारोबार भएका कूल १२ वटै उपसमूहको सेयर आज उकालो लागेको छ। त्यसमा बैंकिङ ५.०३, व्यापार ३.७, होटल १३.८८, विकास बैंक ०.९२, जलविद्युत् ७.४२, वित्त ५.९५, निर्जीवन बीमा ५०.४६, उत्पादन २७.१८, अन्य ४.७, लघुवित्त १५.०२, जीवन बीमा ५५.४९ र सामूहिक लगानी कोष ०.०७ अंकले बढेको छ।
काराेबारका आधारमा नेपाल पुर्नबीमा कम्पनी शीर्ष स्थानमा रहेको छ। सो कम्पनीको प्रतिकित्ता ५९९ को दरले २२ करोड ९१ लाख ५५ हजार ६३ रुपैयाँ बराबरको काराेबार भई शीर्ष स्थानमा रह्यो।
यस्तै, नेपाल लाइफ इन्स्योरेन्स आठ करोड ९५ लाख ५६ हजार २०३, एनआइसी एशियाकोपाँच करोड नौ लाख ४४ हजार ६४४, शिखर इन्स्योरेन्सको चार करोड ९७ लाख ८० हजार ६९९, एनएमबी बैंक चार करोड ६१ लाख ५७ हजार ८७० र एनआइसी एसिया लघुवित्तको तीन करोड ५६ लाख ४६ हजार ८१० रुपैयाँ बराबरको कारोबार भई शीर्ष स्थानमा रह्यो।
बिहीबार सबैभन्दा बढी खानीखोला हाइड्रोपावरका लगानीकर्ताले सर्वाधिक १० प्रतिशतले कमाए। यस्तै, चौतारी लघुवित्त ९.४६, पञ्चकन्यामाई हाइड्रोपावर ९.८६, नेशनल हाइड्रोपावर ९.८०, हिमालयन ऊर्जा ९.६८, रैराङ हाइड्रोपावर ९.६८, आँखुखोला जलविद्युत् कम्पनी ९.६२ र युनियन हाइड्रोपावरका सेयरधनीले ९.०९ प्रतिशतले कमाए। तर आज उकालो लागेका अधिकांश जलविद्युत् कम्पनीको सेयर प्रतिकित्ता १०० रुपैयाँभन्दा कम मूल्यका छन्।
यसैगरी घोडाघोडी लघुवित्तका सेयरधनीले ९.८५ प्रतिशतले गुमाएका छन्। यस्तै गुराँस लघुवित्त ५.२४, प्रोग्रेसिभ फाइनान्स ३.७०, मल्टीप्रपोज फाइनान्स ३.४५, आइएमई जनरल इन्स्योरेन्स २.९३, सपोर्ट माइक्रोफाइनान्स २.८७ र गुडवील फाइनान्सका लगानीकर्ताले १.९५ प्रतिशतले गुमाए।
प्रकाशित मिति: बिहीबार, साउन १५, २०७७
-1732776560.jpg)
