काठमाडौ । साताकाे चाैथाे दिनकाे काराेबारमा पनि नेप्सेमा गिरावट आएको छ ।
बुधबार नेप्से १७.५ अंकले घटेर १ हजार ४३२.४४ बिन्दुमा झर्दा सेन्सिटिभ पनि ३.९ अंकले घटेर ३०३.१४ बिन्दुमा झरेको छ ।
बढेको बजारमा लगानीकर्ताले नाफा बुक गर्न खोज्दा केही दिनयता बजार लगातार ओरालो लाग्दै आएको छ ।
आज नेप्सेमा १ सय ८८ कम्पनीको कारोबार हुँदा ३२ कम्पनीको मूल्य बढेको छ भने १ सय २१ कम्पनीको सेयर मूल्य भने घटेको छ ।
आज नेप्सेमा ३५ लाख ८६ हजार कित्ता सेयर किनबेच हुँदा १ अर्ब ५३ करोड २५ लाख ११ हजार ७ सय १५ रुपैयाँको सेयर किनेबेच भएको छ ।
नेप्सेमा आज १२ वटा समूहको कारोबार भएकामा होटल समूहको सूचक १३४.४५ अंकले बढेको छ भने सामूहिक लगानी कोष समूहको सूचक झिनो अंकले बढेको छ ।
यीबाहेकका बाँकी समूहको सूचक भने उच्च अंकले घटेका छन् । वाणिज्य बैंक समूहको सूचक २१.५१ अंकले घटेर १२ सय ४३.७४ बिन्दुमा झर्दा बिकास बैंक समूहको सूचक ३.८३ अंकले घटेर १८ सय ३४.६९ बिन्दुमा झरेको छ । यसैगरी जलविद्युत, लघुवित्त, निर्जीवन बीमा, जीवन बीमा, ट्रेडिङ, फाईनान्स, उत्पादनमुलक र अन्य समूहको सूचक पनि घटेका छन् ।
प्रकाशित मिति: बुधबार, साउन ७, २०७७
-1732776560.jpg)
