काठमाडाैं । नयाँ आर्थिक वर्षको पहिलो दिनको सेयर कारोबार मापक नेप्से उच्च अंकले बढेकाे छ । बिहीबार नेप्से ३२.४२ अंकले बढेर १ हजार ३ सय ९४.७७ बिन्दुमा पुगेकाे छ ।
त्यसैगरी, यस दिन सेन्सेटिभ इन्डेक्स २.३६ प्रतिशत अर्थात ६.८१ अंक बढेर २९५.०६ विन्दुमा पुगेको छ।
यस दिन १ सय ८० कम्पनीहरुको १६ हजार ५ सय ४५ पटकको कारोबारमा १ अर्ब ४ करोड १७ लाख ७० हजार रुपैयाँ बराबरको २९ लाख १४ हजार ५ सय १८ कित्ता सेयर खरिद बिक्री भएको छ।
बिहीबार नेप्सेमा नेपाल पुनर्बिमा कम्पनी र एनएमबी बैंकको सेयरमा बढी लगानी भएकाे छ । नेपाल पुनर्बिमा कम्पनीको १ लाख ८२ हजार ५ सय ६० कित्ता सेयर किनबेच हुँदा ९ करोड ४१ लाख ७३ हजार रुपैयाँको कारोबार भएको छ ।
यस्तै एनएमबी बैंकको बैंकको २ लाख १ हजार ८ सय ६ कित्ता सेयर किनबेच हुँदा ८ अर्ब २७ करोड ५७ लाखको कारोबार भएको छ ।
एनआईसी एसिया बैंकको ५ करोड ६८ लाख २२ हजार, नेपाल लाइफ इन्स्योरेन्सको ३ करोड ५८ लाख ४८ हजार र नबिल बैंकको ३ करोड ४ लाख १३ हजार रुपैयाँ बराबरको कारोबार भएको छ ।
बिहीबार कारोबार भएकामध्ये १ सय ११ कम्पनीको सेयर मूल्य बढेको छ भने त्यस्तै ३९ कम्पनीको सेयर मूल्य घटेको छ ।
प्रकाशित मिति: बिहीबार, साउन १, २०७७
-1732776560.jpg)
