काठमाडाैं । बुधबार कारोबार खुलेको डेढ घण्टा नपुग्दै सेयर बजार ६ प्रतिशतले बढेको छ ।
मंगलबार झैँ आज पनि ३ पटक सकारात्मक सर्किट ब्रेक लागेको नेप्से ७५ दशमलव ७७ अंकले बढेर १३ सय ३६ दशमलव ५२ बिन्दुमा पुगेको छ ।
११ बजे खुलेदेखि नै उकालो लागेको बजारमा खरिद गर्नेहरुको चाप ह्वात्तै बढेको थियो । साढे १२ नहुँदै बजार ६ प्रतिशतले बढ्दा सर्किट ब्रेक लागेपछि आजका लागि काराेबार बन्द गरिएकाे छ ।
६ प्रतिशतले बजार बढेमा वा घटेमा त्यस दिनका लागि कारोबार बन्द हुने भएकाले बुधबारका लागि बजार नै बन्द गरिएको हो ।
बुधबार ४० करोड रुपैयाँको सेयर कारोबार भएकामा होटलबाहेकका सबै उपसमूहहरु बढे ।
बैंकिङ ८२, व्यापार ३३, विकास बैंक ५७, जलविद्युत ३३, फायनान्स ४, निर्जीवन बीमा समूह ३२२, उत्पादन १०२, अन्य २०, माइक्रोफाइनान्स १०१, जीवन बीमा ५४८ अंकले बढेका छन् ।
प्रकाशित मिति: बुधबार, असार १७, २०७७
-1732776560.jpg)
