राजविराज : गुणस्तर तथा नापतोल विभागकाे विराटनगर कार्यालयले सप्तरीको एक पेट्रोल पम्पमा आइतवार शिलबन्दी गरेको छ ।
सप्तरीकाे शम्भुनाथ नगरपालिका–१२ अर्नाहास्थित अब्दुल्हा आयल निगम ट्रेडर्सले कम परिमाणमा तेल बिक्री गरेको पाइएपछि शिलबन्दी गरिएको कार्यालयका प्रमुख शम्भुकुमार झाले बताए ।
जिल्ला प्रशासन कार्यालय र इलाका प्रहरी कार्यालय पातोको टोलीद्वारा गरिएको अनुगमनका क्रममा उक्त पेट्रोल पम्पले पाँच लिटर डिजेल बेच्दा १७० एमएल कम बिक्री गरेको पाइएको थियो ।
शिलबन्दी गरिएको पम्पलाई नाप तोल ऐन २०२५ दफा ३० बमोजिम माग दाबीसहित जिल्ला अदालत सप्तरीमा मुद्दा दायर गरिने प्रमुख झाले जानकारी दिए ।
-1732776560.jpg)
