कोलम्बो : श्रीलंकामा गरिएको सुरक्षा कारबाहीका क्रममा ६ बालबालिकासहित १५ जनाको मृत्यु भएको छ । प्रहरीले इस्लामिक चरमपन्थीले बम विस्फोट गराउँदा उनीहरुको मृत्यु भएको बताएको छ ।
प्रहरीले चरमपन्थीहरु लुकेर बसेको सूचनाका आधारमा बाटिकलोआ नजिकै अम्पारा साइतन्मरुतुमा छापा मारेको थियो ।
गत आइतबार २५० भन्दा बढीको मृत्यु हुनेगरी भएको आक्रमणसँग सम्बन्धित सन्दिग्ध स्थानहरूमा छापा मार्ने क्रममा सशस्त्र समूहसँग भिडन्त भएको प्रहरीले जनाएको छ ।
छापा मार्ने क्रममा बन्दूकधारीहरूले गोली चलाएको र त्यहाँ रहेका तीजना पुरुषले विस्फोटक पदार्थ पडकाएको प्रहरीको भनाइ छ । सो त्रममा ६ बालबालिका, ३ महिलाको मृत्यु भएको थियो भने तीन जना प्रहरीको गोली लागेर मारिएका थिए ।
गोली लागेर एकजना गैरसैनिकको मृत्यु भएको छ भने एक जना महिला र एक बालकलाई उपचारका लागि अस्पताल भर्ना गरिएको छ । यो घटना गत आइतबार भएको हमलाका योजनाकार मानिएका चरमपन्थी धर्मगुरु जाहरान हाशिमको गृहनगरबाट नजिकै भएको हो ।
सोही स्थानमा भएको अर्को कार्वाहीमा प्रहरीले आइएसको झण्डा, १५० थान जिलेटिन, हजारौं स्टिलका गेडीहरू र एउटा ड्रोन क्यामरा फेला परेको सैनिक प्रवक्ताले जानकारी दिएका छन् ।
प्रकाशित मिति: आइतबार, वैशाख १५, २०७६
-1732776560.jpg)
