किभ : युक्रेनमा भएको राष्ट्रपति निर्वाचनमा हाँस्य कलाकार भोलोदिमिर जेलेन्स्की भारी मतका साथ विजयी भएका छन् ।
मतगणना अन्तिम चरणतिर पुग्दा जेलेन्स्कीले ७३ प्रतिशत मन हासिल गरेको देखिएको छ भने उनका प्रतिद्वन्द्वी वर्तमान राष्ट्रपति पेट्रो पोरोसेन्कोले २४ प्रतिशत मत मात्रै ल्याएका छन् । तीन साताअघि भएको पहिलो चरणको मतदानमा ३९ जना उम्मेदवारमध्ये उनी सबैभन्दा अघि देखिएका थिए ।
पोरोशेन्कोले हार स्वीकार गर्दैै राजधानी किभमा समर्थकलाई सम्बोधन गरेका छन् । उनले समर्थकलाई सम्बोधन गर्दै आफूले राजनीति नछाड्ने बताए ।
उनले भने, ‘म तपाईको भरोसा कहिल्यै तोड्ने छैन ।’ जेलेन्स्की पाँच वर्षका लागि राष्ट्र निर्वाचित भएका हुन् । युक्रेनको राष्ट्रपतिको सुरक्षा, रक्षा विभाग र विदेश नीतिमा खास प्रभाव हुने गर्छ ।
प्रकाशित मिति: सोमबार, वैशाख ९, २०७६
-1732776560.jpg)
