चिलीकी गायिका मोन लाफर्तेले लस भेगासमा आयोजित एक समारोहमा नांगिएर सरकारविरोधी प्रदर्शनको समर्थन गरेकी छिन् । ३६ वर्षीया गायिका तथा गीतकार मोन लाफर्तेले रेड कार्पेटमा आएर चिली प्रदर्शनका क्रममा प्रहरीको दमनविरुद्ध विद्रोहीको समर्थन गरेकी हुन् ।
रातो कार्पेटमा हिँड्दै गर्दा उनी एक टाउँमा उभिइन् र कालो ज्याकेट खोलिन र आफ्नो स्तन देखाइन् । स्तनमा लेखिएको थियो, ‘चिलीमा बलात्कार र पीडितहरुलाई मारिरहेका छन् । मानिसहरु एक महिनादेखि असमानता र सरकारी उपेक्षाविरुद्ध आन्दोलनरत छन् ।’
यो प्रदर्शनका क्रममा २० भन्दा बढी मानिसको मृत्यु भएको छ । मारिएकामध्ये पाँच जनाको सुरक्षाफौजको कारबाहीका क्रममा मृत्यु भएको हो । सुरक्षाकर्मीमाथि प्रताडना, बलात्कार र हिंसा भड्काएको गम्भीर आरोप लागेकाे छ ।
प्रकाशित मिति: आइतबार, मंसिर १, २०७६ ०४:०५
