प्रधानमन्त्रीलाई किड्नी ट्रान्सप्लान्ट युनिटमा सारियो, आज राति अस्पतालमै रहने

समाचार

आजको न्युज बुधबार, १३ कात्तिक २०७६

स्वास्थ्य समस्या भएर ग्राण्डी अस्पतालमा भर्ना गरिएका प्रधानमन्त्री केपी शर्मा ओलीलाई बुधबार अस्पतालमै राखिने भएको छ ।

अस्पतालमा भर्ना भएपछि उनलाई आइसियुबाट आइसियूबाट किड्नी ट्रान्सप्लान्ट युनिटमा सारिएको अस्पताल स्रोतले जनाएको छ। तर प्रधानमन्त्रीको सचिवालय तथा उनको स्वास्थ्य टिमले भने अहिलेसम्म आधिकारिक धारणा सार्वजनिक गरिसकेको छैन ।

प्रधानमन्त्री ओली बुधबार बिहानै ग्राण्डी अन्तर्राष्ट्रिय अस्पतालको सघन उपचार कक्ष (आईसीयू)मा भर्ना भएका थिए । चिकित्सकको निगरानीमै राख्नुपर्ने भएकाले बुधबार डिस्चार्ज नहुने निकट स्रोतले जानकारी दिएको छ ।

प्रधानमन्त्री केपी शर्मा ओलीको १३ वर्षअघि मृगौला प्रत्यारोपण गरिएको थियो । त्यसयता प्रधानमन्त्री ओलीले नियमित स्वास्थ्य जाँच गर्दै आएका छन् । दुई महिनाअघि सिङ्गापुरमा प्लाज्मा फेरेसिसमार्फत शरीरमा जम्मा भएको एण्टीबडी नष्ट गरिएको थियो । प्रधानमन्त्री ओली यहीवर्षमात्रै दुईपटक सिङ्गापुर गइसकेका छन् । सिङ्गापुरबाट फर्किएपछि पनि ओली नियमित स्वास्थ्य परीक्षणमै छन् ।

प्रकाशित मिति: बुधबार, १३ कात्तिक २०७६

प्रतिक्रिया दिनुहोस्