काठमाडौँ । जबरजस्ती करणीको मुद्दा खेपिरहेका नायक पल शाहलाई पूर्वी नवलपरासी प्रहरी र सरकारी वकिल कार्यालयले बयान लिएको छ । मङ्गलवार उनलाई तनहुँबाट पूर्वी नवलपरासीमा उपस्थित गराइएको थियो ।
उनको बयान र अनुसन्धान भइरहेको छ । शाहविरुद्ध पूर्वी नवलपरासी प्रहरी कार्यालयमा पनि जाहेरी दर्ता भएको थियो । तनहुँमा जाहेरी दिएकी नाबालिगले नै पूर्वी नवलपरासीमा जाहेरी दिएकी हुन् । तनहुँ जिल्ला अदालतले दोस्रो पटक थप १२ दिन हिरासतमा राख्न अनुमति दिएको छ ।
बयान र त्यहाँ दर्ता भएको जाहेरीबारे अनुसन्धान सकेर उनलाई तनहुँ पठाइने छ । फागुन १५ गतेबाट पल प्रहरीको हिरासतमा छन् ।
प्रकाशित मिति: बिहीबार, फागुन २६, २०७८ १०:०३
