काठमाडौँ । नेपालमा पछिल्लो २४ घण्टामा थप ३ हजार १७५ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा १२ हजार ६०५ जनामा गरेको परीक्षणबाट उक्त सङ्ख्यामा सङ्क्रमित फेला परेका हुन् ।
मन्त्रालयका अनुसार २७४२ पिसिआर परीक्षणबाट र ४३३ एन्टिजेन परीक्षणबाट सङ्क्रमण पुष्टि भएको हो ।
पछिल्लो २४ घण्टामा ८७२३ जना कोरोना सङ्क्रमित निको भएका छन् ।
यसैगरी सोही अवधिमा १४ जना कोरोना सङ्क्रमितले ज्यान गुमाएका छन् ।
हाल देशभर ६३ हजार २९६ जना कोरोनाका सक्रिय सङ्क्रमित छन् ।
प्रकाशित मिति: बिहीबार, माघ २०, २०७८
-1732776560.jpg)
