काठमाडौँ । नेपालमा पछिल्लो २४ घण्टामा थप ११ हजार ३५२ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार १८ हजार ७८ नमुनाको पीसीआर टेस्ट गर्दा ९ हजार ५०२ तथा ५ हजार ३३१ नमुनाको एन्टीजेन टेस्ट गर्दा १ हजार ८५० जनामा सङ्क्रमण पुष्टि भएको हो ।
मन्त्रालयका अनुसार नयाँ सङ्क्रमित मध्ये ६ हजार ३४३ जना काठमाडौँ उपत्यकाका छन्, जसमा काठमाडौँका ४ हजार ६६६, ललितपुरका १ हजार १९ र भक्तपुरका ५७८ जना छन् ।
पछिल्लो २४ घण्टामा ६१३ जना कोरोना सङ्क्रमणमुक्त भएका छन् भने ४ जनाको मृत्यु भएको छ ।
हाल देशभरमा ४७ हजार ९२९ जना सक्रिय सङ्क्रमित छन् ।
प्रकाशित मिति: बुधबार, माघ ५, २०७८
-1732776560.jpg)
