काठमाडौँ । गायक सुनिल गिरीको नयाँ गीत रोगै पिरतीको म्युजिक भिडियो सार्वजनिक भएको छ ।
लाम क्यारे माया बोलको गीतले चर्चा बटुलिरहेकै बेला गायक गिरीले शनिबार आफ्नै च्यानलबाट रोगै पिरती बोलको गीतको भिडियो सार्वजनिक गरेका हुन् ।
तनहुँ आसपासका स्थानमा गाउँले परिवेशमा तयार पारिएको भिडियो हेर्दा हरेक प्रेमिल जोडीले आफ्नो वैँसालु उमेरमा बिताएको प्रेम र विछोडका विभिन्न चरणहरुलाई जीवन्त शैलीमा प्रस्तुत गरिएको छ ।
गायक स्वयंको अभिनय रहेको गीतको भिडियोमा समीक्षा क्षेत्रीको अभिनय देख्न सकिन्छ ।
मनोज कार्कीको सम्पादन तथा मोसन ग्राफिक रहेको भिडियोको निर्देशन अनिलकृष्ण मानन्धरले गरेका हुन् ।
निर्देशक मानन्धरकै छायांकन रहेको गीतको एजेन्ज, कम्पोज पनि गायक गिरीकै हो ।
प्रकाशित मिति: आइतबार, माघ २६, २०७६ ०५:०८
