काठमाडौँ । भारत उत्तर प्रदेशका पूर्व सांसद अतिक अहमद र उनका दाजु अशरफको हत्या भएको छ ।
प्रयागराजस्थित एक अस्पतालमा स्वास्थ्य जाँच गरी फर्किने क्रममा पत्रकारलाई प्रतिक्रिया दिइरहेको बेला अतिक र अशरफमाथि गोली प्रहार भएको थियो । पूर्व विधायक राजु पालको हत्या आरोपमा प्रहरी नियन्त्रणमा रहेका उनीमाथि एक व्यक्तिले नजिकैबाट टाउकोमा गोली हानेको देखिएको छ । उनीहरूलाई गोली लागेको दृश्य पनि टेलिभिजनमा प्रत्यक्ष प्रसारण भएको थियो ।
प्रहरीका एक अधिकारीका अनुसार पत्रकार बनेर आएकाहरूले गोली हानेको र गोली हानेकाहरूले घटनास्थलमै आत्मसमर्पण गरेका थिए ।
अतिक अहमद र उनका भाइ अशरफलाई १० वटा भन्दा बढी गोली लागेको स्थानीय सञ्चारमाध्यमहरूले उल्लेख गरेका छन् । घटनामा संलग्न भएको आशङ्कामा प्रहरीले तीन जनालाई पक्राउ गरेको छ ।
उत्तर प्रदेशका मुख्यमन्त्री योगी आदित्यनाथले यस घटनालाई निकै गम्भीर भन्दै तीन सदस्यीय उच्चस्तरीय अनुसन्धान आयोग गठन गरेका छन् ।
प्रकाशित मिति: आइतबार, वैशाख ३, २०८०
-1732776560.jpg)
