पर्सा: प्रहरीले गोली हानेर एकजना अपरहणकारीलाई वीरगञ्जबाट नियन्त्रणमा लिएको छ । साथै अपहरणमा परेका बालकको पनि सकुशल उद्धार गरेकाे छ ।
प्रहरीले पर्साको पोखरीया नगरपालिका–८ बस्ने राजकुमार दासलाई गोली हानी नियन्त्रणमा लिएको हो । एक राउण्ड गोली हानेर अपहरणकारी पक्राउ गरेको पुष्टि पर्सा प्रहरी प्रमुख सोमेन्द्र सिंह राठोरले गरे ।
काभ्रेबाट एक बालक अपहरण गरी अभिभावकसँग फिरौती लिँदै गर्दा पुगेको प्रहरी टोलीलाई पेस्तोल ताकेपछि प्रहरीले दासलाई गोली हानी नियन्त्रणमा लिएको एसपी राठौरले बताए । गोली अपहरणकारीको दाहिने खुट्टामा लागेको छ ।
प्रकाशित मिति: बुधबार, कात्तिक २०, २०७६ ०२:३९
