काठमाडौं: बिहिबारदेखि ओरालो लाग्न थालेकाे सुनकाे मूल्य आज पनि प्रति तोला दुई सय रुपैयाँ घटेकाे छ ।
बिहिबार छापावाला सुनको ७१ हजार मूल्यमा कारोबार भएकोमा आज दुई सय रुपैयाँले घटेर तोलाको ७० हजार ८ सय रुपैयाँ कायम भएकाे छ । त्यस्तै तेजाबी सुन बिहिबार ७० हजार सात सय रुपैयाँ रहेकोमा आज दुई सय रुपैयाँले घटेर ७० हजार पाँच सय मूल्यमा कारोबार भएको छ ।
त्यस्तै आजको बजारमा चादीँको मूल्य पनि घटेको छ । बिहिबार प्रतितोला ८ सय ६५ मूल्यमा कारोबार भएकोमा आज पाँच रुपैयाँले घटेर आठ सय ६० रुपैयाँमा कारोबार भएको सुन चादीँ व्यवसायी महासंघले जनाएको छ ।
प्रकाशित मिति: शुक्रबार, असोज १०, २०७६ १६:०७
