विराटनगर : सरकारले विप्लव समूहको नेकपालाई प्रतिबन्ध लगाउने घोषणा गरेको एक दिन पछि सो समूहका महासचिव नेत्रविक्रम चन्द विप्लवले बिज्ञप्ति जारी गर्दै सरकारलाई मुखतोड जवाफ दिने चेतावनी दिएका छन् ।
विप्लव समूहले फागुन २८ गते जारी गरेको विज्ञप्तिमा एक दिन पछि सार्वजनिक गर्दै नेकपाको केन्द्रीय समितिले भनेको छ, ‘केपी – वादल कम्पनी’ले दमन गरेमा त्यसको मुखतोड प्रतिवाद गर्न हामी पूर्ण रुपले तयार छौ ।’ वर्तमान सरकारले स्वंम अपराधिक क्रियाकलाप गरेको जनाउँदै विप्लव समूहले आफ्नो पार्टीलाई प्रतिबन्ध लगाएर कुर्कम गरेको जनाएको छ ।
आफ्नो पार्टी पुँजीपतिहरुको बिरुद्धमा रहेको जनाउ दिदै वर्तमान सरकारले अरुण तेश्रो, एनसेल र म्यानपावर कम्पनीलाई बढवा दिएको विप्लव समूहको आरोप छ । त्यस्ता समूहमाथि कारवही गर्दा आफुहरु अपराधी हुनु दुर्भाग्य रहेको बिज्ञप्तिमा उल्लेख गरिएको छ । बिज्ञप्तिमा भनिएको छ, ‘झापा विद्रोह, दश बर्षको महान जनयुद्धका हजारौ शहीद, बेपत्ता, घाइते र क्रान्तिकारीलाई धोका दिने, कम्युनिष्ट आन्दोलन, मूल्य, मान्यता र त्यागलाई बेचेर खाँदै जनताका बैरीहरुसँग साँठगाठ गरेर क्रान्तिकारीमाथि दमन गर्ने अधर्मी, अनैतिक, अन्तरघातीहरुलाई प्रतिबन्ध लगाईपर्छ ।’
-1732776560.jpg)
